SCIEN-ის, მეცნიერების, პოლიტიკისა და საზოგადოების ინიციატივა წარმოადგენს აკადემიური მკვლევარების ერთობლივ ძალისხმევას, რომელიც მიზნად ისახავს სამეცნიერო კვლევის წინსვლას, მტკიცებულებებზე დაფუძნებული პოლიტიკის შემუშავების გაუმჯობესებას და ინოვაციური აკადემიური პროგრამების განვითარებას. ჩვენი მისიაა სამეცნიერო სიზუსტის, საზოგადოების ჩართულობისა და პოლიტიკის შემუშავების ინტეგრირება გლობალური გამოწვევების გადასაჭრელად, განსაკუთრებით ისეთ სფეროებში, როგორიცაა სოციალური და ეკონომიკური პოლიტიკა, მთისა და სოფლის განვითარება, გარემოს დაცვა და კლიმატის ცვლილება, ასევე მონაწილეობითი გეგმარება.

ჩვენ ვმუშაობთ ოთხი ძირითადი მიმართულებით: 

• საერთაშორისო სამეცნიერო კვლევითი პროექტების ხელმძღვანელობა სოციალური მეცნიერებების მიმართულებით, რომლებიც ორიენტირებულია სოფლის და მთიანი რეგიონების უნიკალური სოციალური, ეკონომიკური და გარემოსდაცვითი თავისებურებების შესწავლაზე, მათი გამოწვევების, შესაძლებლობებისა და ადაპტაციის სტრატეგიების გათვალისწინებით 
• განვითარების პროგრამების შეფასება, რათა შევქმნათ გადაწყვეტილების მიმღებთათვის მტკიცებულებებზე დაფუძნებული ანალიზი, განსაკუთრებით სოციალურ-ეკონომიკური პოლიტიკისა და გარემოს მდგრადობის სფეროებში. 
• უნივერსიტეტებში სწავლების ინოვაცია, ახალი საბაკალავრო, სამაგისტრო და სადოქტორო პროგრამების შექმნით, რომლებიც მთავარ აქცენტს აკეთებენ მდგრად განვითარებაზე. 
• ციფრული მონაცემების ანალიზისა და ვიზუალიზაციის გამოყენება მტკიცებულებებზე დაფუძნებული პოლიტიკისა და მონაწილეობის საფუძველზე დაგეგმვის მხარდასაჭერად.